Muqdisho (RH)-Magaalada Muqdisho waxaa maanta oo Arbaco ah ku geeriyooday Allaha u naxariisto Farxiya Cabdiraxmaan Maxamed oo ahayd xaaska fannaaka da'da yer Dayax Dalnuurshe.
Sida laga soo xigtay dad ehel la ah marxuumadda, ayaa sheegay in labadii maalin ee la soo dhaafay ay Farxiya ku xanuusanaysay mid ka mid ah isbitaalada ku yaalla caasimadda, mana la sheegin xanuunkeeda waxa uu ahaa.
Geerida gabadhan oo ahayd gabar ka ganacsata dharka iyo wax yaabaha dumarka isku qurxiyaan ayaa aad looga naxay gudaha iyo dibadda, waxaana si wayn looga arki karaa baraha bulshada oo looga tacsiyeenayo Dayax Dalnuushe.
Marxuumadda ayaa la filayaa in saacadaha soo socda lagu aaso magaalada Muqdisho.
Marxuumadda ayaa ka tegtay gabar.
Radio Hormuud
Studio 3
Mogadishu -Somalia