Hargeysa(RH):- Xukuumadda Jamhuuriyadda Somaliland ayaa mar kale ku celisay in ay joojisay adeegsiga iyo ka ganacsiga bacaha oo khatar ku ah deegaanka iyo Xoolaha nool.
Wasiirka Wasaaradda Horumarinta Maaliyada Somaliland Dr Sacad Cali Shire ayaa sheegay in xukuumaddu ay dib u dhaqan gelisay wareegtadii kasoo baxday xukuumaddii Madaxweyne Silaanyo sannadklii 2015-kii ee lagu mamnuucay soo dejinta ka ganacsiga iyo isticmaalka bacaha.
Kulan ay isugu yimadeen guddida bilicda ee heer qaran ay ku go’aamiyeen laga bilaabo Maanta in la joojjiyey adeegsiga iyo ka ganacsiga bacaha,” guddidu waxa ay go’aamisay in la dhaqangeliyo wareegtadii madaxweynaha ee soo baxday bishii April ee sannadkii 2015. Taasi oo mamnuucaysay soo dejinta ka ganacsiga iyo isticmaalka bacaha”
Wasiirka Wasaaradda Horumarinta Maaliyada Somaliland, Dr Sacad Cali Shire ayaa sheegay in cidii lagu arko laga qaadi talaabo sharci oo ay ciqaab ku mutaysanayaan, waxaanu ka digay in masuuliyiinta dawladda iyo kuwa dhaqanku ay u gargaaran dadka jebiya sharciga lagu joojiyey isticmaalka, ka ganacsiga iyo adeegsiga bacaha .