Taalibaan oo la wareegtay xarun ay booqdeen George W Bush, Barack Obama iyo Donald Trump
Taalibaan ayaa sheegtay inay la wareegeen gegida dayuuradaha ee Bagram iyo xabsi, oo ku yaalla duleedka Kabul. Dhismaha ayaa ahaa udub dhexaadka dagaalka lagula jiro Taalibaan iyo al-Qaa cida muddo ku dhow 20 sano illaa bishii hore ay milatariga Mareykanka ka tageen habeenimadii iyagoo aan ogeysiin reer Afghanistan.
Ciidamada isbahaysiga ee uu horkacayay Maraykanka oo soo guuray December 2001, ayaa Bagram looga sameeyay saldhig aad u weyn oo awood u leh inuu qaaso ilaa 10,000 oo askari.
George W Bush, Barack Obama iyo Donald Trump ayaa dhammaantood booqday saldhiggaasi intii ay madaxweynaha ahaayeen.
Bagram sidoo kale waxaa ku yaala xabsi la sheegay inay ku hareen 5,000 oo maxaabiis oo Taliban ka tirsan.
Ilaha wareedyo laga helayo Taalibaan ayaa sheegaya inay sii daayeen dhammaan maxaabiistaas.
Xabsiga Bagram wuxuu caan ku noqday Guantanamo -ga Afgaanistaan - ka dib xabsigii millatariga Mareykanka ee Cuba.
Markii hore waxaa dhisay oo maamulayay Mareykanka laakiin waxaa lagu wareejiyay maamulka Afgaanistaan sanadkii 2013 -kii.
xigasho BBC